شهادات من أرض التجربة

 

ليست الحكاية مجرد تدريب نظري، بل رحلة تعلّم عملية عاشها طلاب الدفعة الأولى لحظة بلحظة. من أول تمرين إلى أول إنجاز حقيقي، كانت الكلمات تُبنى بخطوات واثقة، والمهارات تنمو مع كل تحدٍّ جديد. في السطور التالية، ننقل إليكم بعضًا من آرائهم الصادقة التي تعكس عمق التجربة وأثرها الحقيقي.

 

• إيمان:

شكرًا جدًا لك أستاذ مصطفى ولفريق العمل، الله يبارك في مجهودكم، ممتنة لكل لحظة لي في البرنامج، وجدًا سعيدة بانضمامي له، كل تاسك وكل تحدي ومل تمرين بعلمني وبقويني أكتر

بإذن الله أحافظ على مستواي وأسعى لأكون أفضل بكل الجوانب.

 

• روان:

يعطيك العافية أستاذ مصطفى والجميع. البرنامج جدا جميل من منهج لتنفيذ لمتابعة لتقييم وتشجيع وذكر أي تفصيلة و أي ملاحظة مهما كانت صغيرة وقديه إنت مركز مع كل طالب أنا كتير استفدت وفرق معي لما بلشت تقييم التاسكات وصرنا كلنا نشوف حلول بعض و نتعلم كلنا من بعض إضافة للتمارين اليومية والكتب والمصادر.

 

• نهال:

السلام عليكم،، يعطيك العافية أ. مصطفى وكل أعضاء الفريق المحتوى ثري، ومخطط له بدقة ومدروس جيدًا والجهد المبذول فيه جبار واكثر ما يميزه هو التغذية الراجعة المفصلة وهو بالتأكيد ما يظهره سرعة تعلمنا كطلاب.. جهدكم الكبير يقابله سرعة في تعديل هفواتنا وأخطائنا في الكتابة.

 

• بيسان:

يعطيك العافية أ.مصطفى بالنسبة للبرنامج ، واضح جداً كمية المجهود المبذول فيه بشكل عام و المجهود الي حضرتك بتبذله معنا بشكل خاص ، رغم انو احنا بنفس المكان و بنفس الظروف و الحرب علينا كلنا ، إلا انه احنا مرات بنتأخر في تسليم التاسكات مثلا ، لكن حضرتك ما بتتأخر علينا أبداً ، سواء بتحديات ، تقييمات ، تاسكات ، محاضرات. البرنامج رائع طريقة طرح المواضيع جميلة و التحديات حماسية ، و لما بتيجي فترات للشخص انو زهق بسبب الاوضاع العامة و الحرب ، بتيجي دفعة منك كانو لا لازم تكمل و تتعلم ، هاد شي مش موجود في أي برنامج كان في البرامج التعليمية.

 

• تسنيم:

أول مرة بحياتي آخد كورس والمدرب يكون مهتم بكلشي متلك، عنجد شكرًا كتير الك، الله يباركلك برزقك وبوقتك.

 

• إيمان:

البرنامج مميز جدًا، وهو الأول من نوعه، متعوب عليه بشكل كبير، والنتيجة فخمة بمعنى الكلمة، ومساره ممتاز جدًا.. يعطيكم العافية على المتابعة معنا بهيك ظروف صعبة، بنقدر ذلك، الحمد لله على نعمة السعي في كل هالظروف المميتة. وبالنسبة لي البرنامج بطرحه للمواضيع وبالتحديات يزيدني حماس، ويشجعني أكتر، وبخليني أعيش بجو مختلف عن الحرب وهمومها.

 

وأنت حابب تنضم للبرنامج وتكون الكلمة القادمة الك؟ احجز مقعدك الآن